早年無綫推出限奶令，令一眾賣開身材的小花、以及鍾意睇小花的男觀眾都叫苦連天，當中唔巴打都擔心向來盛產索女的3日2夜會失色不少，不過，《3日2夜》無令大家失望，好似近日播出新喀里多尼亞篇由陳庭欣(Toby)主持，Toby準備了多套泳衣，大曬其「蜜桃胸」，而為咗以完美身材示人，佢早喺拍攝前一個月會努力瘦身，到底咩方法？一齊睇睇！
【3日2夜】陳庭欣
無綫旅遊節目《3日2夜》早前搵來陳庭欣拍攝最新一輯的新喀里多尼亞篇，Toby先由香港飛東京，等五小時轉機，再飛九小時才到達新喀里多尼亞群島，咁轉折至去到，但都相當值得嘅，事關當地風景好靚，水清沙幼，Toby為此行唔止準備多套泳衣，仲做運動keep fit。
Toby話隔年拍一次旅遊節目都唔錯，不過太密反而會辛苦，點解？佢解釋道：「我每次知道著泳裝拍節目，都會閉關3個月減肥，我唔想一次過減得太厲害，所以嗰段時間會慢慢減少食量，最後一個月仲會謝絕所有飯局，連男朋友約食飯都唔會出去。」真係用心良苦，不過出嚟效果好，乜都值得嘅！
新喀里多尼亞位於大洋洲西南部，屬於法國的海外屬地。當地天氣變幻莫測，陳庭欣話抵達時天氣寒冷又大風仲下微雨，幸好15分鐘後天公作美突然放晴，她即把握機會換上三點式，大晒33C招牌「蜜桃胸」。
重溫蜜桃胸索爆照
睇番2016年陳庭欣到泰國華欣、芭堤雅拍節目《三日兩夜》，當時佢都係準備多套三點式泳衣曬C奶益fans，獲大讚索爆！
除了去享受陽光與海灘，陳庭欣更去騎大象，不過有網民指騎大象其實好殘忍，因為不停打大象腳嚟訓練！
行到攰攰哋，陳庭欣坐低飲嘢休息吓，而大家焦點當然又係落喺C奶中！
到第二次主持《3日2夜》斐濟篇，雖然當時已有「限奶令」，但節目仍有播出陳庭欣泳裝片段。Toby靚身材、加上陽光海灘，真係賞心悅目！